Sa interview sa DXDC RMN Davao kang DEPED XI Spokesperson Jenielito Atillo, aduna na sila’y natala nga kapin 1,100,000 ka mga enrollees nga gilaumang mutungha sa unang adlaw sa balik skwela ug igo na sab ang ilang preperasyon aron nga kining tanang estudyante sa rehiyon onse matutukan og tarong.
Ug alang sa mga wala pa nakapa enroll nga buot muapas, sila naghulat pa sa mando sa kauluhan sa sunod nga tikang nga angay nilang pagabuhaton.
Hinaut niya sa mga ginikanan nga awhagon ang ilang mga anak nga mupatim-aw sa unang adlaw sa klase alang sa maayong pagsugod sa school year 2023-2024.
“Dili angayan nga mag absent atong mga kabataan sa unang adlaw sa klase gumikan kay sugod na ang atong attendance checking. So buot pasabot niana nga ugmang adlawa, ang mga aktibidades na pagabuhaton sa skwelahan may kalambigitan ra gayud sa ilahang pagtuon.”
RadyoMaN Ivy Parido
