Davao City – Adunay pagsaka sa Coronavirus Disease 2019 (COVID-19) cases dinhi sa syudad sa Davao.
Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), kagahapong adlawa lamang (Agosto 5, 2022), nakatala og 105 COVID-19 cases ang dakbayan rason nga niabot na sa 14% ang positivity rate.
“Naa may adlaw nga mubaba siya (COVID-19 cases) but definitely po naga-beyond na gyud ‘ta sa atoang acceptable positivity rate,” sulti ni Schlosser.
Padayon ang panawagan ni Schlosser sa publiko nga magpabakuna aron maproteksyonan ang kaugalingon ilabina karon nga face-to-face na ang aktibidad sama sa Kadayawan sa Davao.
Dugang sa health official, gikinahanglan ang kooperasyon sa katawhan aron nga dili na mabalik ang pagpatuman og estriktong health protocols batok COVID-19.
RadyoMaN Kirby Manzon
Facebook Comments
