Sa interbyu sa DXDC RMN Davao kang Michelle Jean Armilla, Disaster Risk Reduction and Management Officer sa Local Government Unit (LGU) Kiblawan, gibutyag niini ang apektadong mga lugar mao ang Barangay Balasiao, Bagong Negros, San Pedro, Lati-an ug Dapok.
Saysay ni Armilla, sa 126 ka pamilya, 56 niini ang nahikling sa evacuation centers.
Sa Barangay Balasiao, 1 ang balay nga totally damaged, samtang 4 ang partially damaged. Aduna usay mga natalang natumba nga mga saging, mais, ug lubi tungod sa baha.
Sa pagkakaron, natunolan na og pasiunang tabang ang mga biktima labi na gyud sa pagkaon nga ilang nag-unang panginahanglan.
“Process’an napud (sila) og cash assistance karong January para makahinay-hinay napud tawon sila og patukod sa ilang balay. Naa na may yuta unta available. Ang kana nalang gyud, ang paghatag nato og assistance para makatukod sila og bag-ong balay,” sulti sa CDRRMO official.
RadyoMaN Kirby Manzon
