Base sa datos nga gipagawas sa DCPO, nasayran nga sukad niadtong Enero 1, 2025 hangtod sa Agosto 30, 2025, adunay 1,035 ka anti-drug buy-bust operations nga miresulta sa pagkasikop sa 1,283 ka mga drug suspek ug pagkasakmit sa 7,001.5518 ka gramos nga shabu nga adunay standard drug price nga Php 47,610,552.24. Nakuha usab ang 8,584.7476 ka gramos nga marijuana nga nagkantidad og Php 1,030,169.71.
Nakumpiska sab sa mga awtoridad ang 17 ka tabletas sa ecstasy nga adunay standard drug price nga Php 28,900.00, samtang 1,471 ka kaso ang na-file batok sa mga suspek tungod sa paglapas sa Republic Act 9165 o Comprehensive Dangerous Drugs Act of 2002.
Ang pagkadakop sa mga drug suspect kabahin sa mas gi-intensify nga kampanya kontra droga ubos sa pagdumala ni Acting City Director PCol Mannan Muarip sa DCPO, uban sa aktibong suporta sa komunidad ug sa mga opisyal sa kabarangayan sa syudad.
RadyoMan Don Pulayao
