Sa report sa Davao City Police Office (DCPO), ang maong mga apektadong residente naggikan sa 5 ka barangay sa syudad.
Temporaryong gihikling ang nahisgutan sa mga evacuation center, apan nakauli ra usab sila sa ilang tagsa-tagsa ka mga pinuy-anan.
Duna usay natalang pito (7) ka areas o dalan nga nabahaan sa dakbayan. Samtang, aduna na usay natalang duha ka namatay ug upat ka injured tungod sa pagdahili sa yuta.
Unang insidente ang nahitabo 8:00 kagabii, Enero 18, 2024 sa dihang patay ang usa ka Ernesto Pacinio, 43 anyos ug angol sila Jose Delatore ug Roel Olasiman sa landslide sa Purok 5, KM8, Apeque, Barangay Tigatto, Davao City.
Samtang, alas 9:00 sa kagabii, ang landslide nga nahitabo sa Sitio Kalachuchi, Barangay Salaysay, Marilog District, Davao City asa 7 anyos nga batang lalaki ang namatay human natabunan sa landslide samtang injured usab ang ginikanan sa biktima nga gipangdala sa ospital.
Padayon usab nga gialerto sa City Disaster Risk Reduction and Management Office (CDRRMO) ang publiko nga mag-igmat kanunay ilabi na niadtong mga nanimuyo daplin sa kasapaan tungod sa risgo sa pagsaka sa lebel sa tubig.
RadyoMaN Kirby Manzon
