Kapin 100k bata sa Davao nabakunahan kontra polio

Davao City – Mokabat sa 63% o sobra sa 100K na ka mga bata ang nabakuhanan og type 2 polio vaccine dinhi sa Davao City.

Sa interbyu sa RMN Davao kang Department of Health Assistant Secretary for Visayas and Mindanao, Dr. Abdullah Dumama Jr. nga target nila karong Dominggo musaka na ngadto sa 95% ang mabakunahang mga bata sa Davao.

Sumala ni Dumama nga kinahanglang dili gayod sila mag-relax ug angay nga mabakunahan ang target nga 186K ka mga bata sa Davao.


Samtang, anaa sa 62% na ka mga bata ang nakadawat og polio vaccine sa Davao del Sur.

Matud ni Dumama adunay mga ‘bakunador’ sa Davao del Sur ang naapektuhan tungod sa kusog nga linog nga nitay-og sa Mindanao, temporaryong naundang ang pagbakuna ug gikatakda nga mag-resume ang health workers sa Bansalan karong adlawng Sabado.

Sa pikas bahin, 53% na ang mga bata ang nabakunahan sa Marawi City ug 56% ang sa Lanao del Sur.

Ang unang rounds sa synchronized immunization matapos karong Oktobre 27.

RadyoMaN Aimee Guinita

Facebook Comments