Davao City – Kapin 100,000 ka pesos ang damyos human nasunog ang usa ka panimalay nga nahitabo alas 4:50 sa hapon sa may Lulu Village, Brgy. R. Castillo siyudad sa Davao.
Subay sa report nga nahipos Sta. Ana PNP, ang maong panimalay gipanag-iyahan sa usa ka Rogelio Castro, 58 anyos, nagpuyo sa nasampit nga lugar.
Sa inisyal nga imbestigasyon, padulongay magluto ang asawa ni Castro apan sa iyang pagpasiga sa liquefied petroleum gasul kalit kining nibuto hinungdan nga nikanit ang kalayo sa kusina ug niabot sala nga bahin resulta sa pagkasunog sa tibuok panimalay.
Gideklarang fire out alas 5:05 sa hapon pinaagi usab sa mga silingan nga nitabang sa pagpalong sa kalayo.
Hinuon sa imbestigasyon sa Sta. Ana PNP, walay kinabuhing nakalas sa maong insidente.
RadyoMan Don Pulayao
