Miabot na sa kapin 110,000 ka mga indibidwal para sa unang batch ang nakadawat sa Emergency Cash Transfer (ECT) o anaa na sa 68% sa target beneficiaries sa Department of Social Welfare and Development (DSWD) XI.
Mao kana ang gisulti ni Section Head, Disaster Response Information Management System, DSWD XI, Kris Sam Torralba sa gipahigayong Kapehan sa Dabaw gahapon, Abril 15, 2024.
Sumala pa niya, ang katuyoan sa ECT kay mao ang paghatag og 75% sa Regional Minimum Wage sulod sa 30 ka adlaw nga mukabat og ₱9,860 nga cash assistance.
Subay niini, gibutyag sad ni Regional Director DSWD XI, Atty. Vanessa Goc-Ong nga target nila mahuman ang ECT distribution para sa unang batch, karong umaabot Abril 29.
via Almer Kaye Aguadera, DNSC Intern
Facebook Comments
