Davao City – Muabot sa 3 ka mga indibidwal ang natalang patay sa Davao de Oro ug anaa sa kapin 130,000 ka mga indibidwal o dul-an 30,000 ka pamilyahan ang nahimong apektado sa linog subay sa pinakapinakabag-ong datos gikan sa Provincial Disaster Risk Reduction and Management Office (PDRRMO) ug Rapid Damage Assessment and Needs Analysis (RDANA) team sa tibuok probinsya.
Gani, sa maong talaan, naglangkob kini sa 237 ka mga barangay, diin anaa sa 22 ka mga indibidwal ang naangol kinsa gihatagan na og atensyong medikal. Mukabat sab sa 61 ka mga panimalay ang totally damaged ug 1,114 ang partially damaged.
Samtang nakatala sab og kadaut ang probinsya sama sa mga tulunghaan nga adunay 101 minor cracks, barangay halls nga adunay 15 ka minor cracks, private/commercial buildings 11 ka minor cracks, hospital 6 ka minor cracks, 8 ka minor cracks sa mga simbahan, 7 ka minor cracks sa government buildings ug 3 sa kalsada nga nalakip sa partially damaged.
RadyoMaN Kareen Belltran
Facebook Comments
