Kapin 15 milyon ka mga Pinoy dili pa rehistrado sa PhilHealth.

15

Gikumpirma sa usa ka opisyal sa Philippine Health Insurance Corp. (PhilHealth) nga kapin 15 milyon ka mga Pinoy ang dili pa rehistrado sa maong ahensya.

Matud pa kay PhilHealth Vice-President Oscar Abadu Jr. nga karong September 2020 anaa sa 94.9 milyon o 86.1% sa populasyon sa nasud ang miyembro na sa state insurer samtang naa sa 15.2 milyon ang dili pa rehistrado.

Ilawom sa Universal Health Care law, tanang Pinoy nga naa na karon sa 110.9 milyon ang populasyon kay awtomatikong sakop na sa PhilHealth.

Dugang pa ni Abadu nga kadaghanan sa mga taong dili pa rehistrado sa PhilHealth mao ang mga dependents sa mga miyembro, mga indigenous people ug mga nagpuyo sa mga lagyong dapit.

Facebook Comments