Na-obserbahan ang pagtaas sa dengue cases sa syudad, diin sa datos sa CHO, nakatala og 1,506 dengue cases sa Davao gikan Enero hangtud Agosto 2023. Mas taas kini itandi sa 1,052 cases niadtong 2022. Samtang, nakatala usab og 28 dengue-related deaths sa 2023 nga mas taas sa 13 ka kaso nga natala sa 2022 sa susamang period.
Gipasabot ni CHO Tropical Diseases Division Head Melodina Babante, ang hinungdan sa pagtaas sa kaso mao ang pabag-o-bag-o nga dagan sa panahon, ilabi na ang pag-ulan nga maoy rason sa pagbaton og mosquito breeding sites nga nagdala sa maong balatian.
“The task force is critical in performing a coordinated effort to limit the spread of dengue-carrying mosquitos by searching for and eliminating breeding places. The task force could further monitor people under its responsibility for signs of infection and use early intervention to prevent an outbreak,” tipik sa post sa Davao CHO Facebook page.
Dugang sa CHO nga sa 182 Barangays, siyam lamang niini ang adunay Mosquito-Borne Viral Disease Task Force nga dakong tabang sa gamay nga kaso sa dengue infections nga natala sa maong mga lugar sa nakalabay’ng mga tuig.
Adunay 14 ka laing Barangay ang nagmugna sa ilang kaugalingong task force, apan dili na aktibo, rason nga kinahanglan kining i-reactivate, aron mabatokan ang pagkatag o pagtaas pa sa dengue cases sa dakbayan sa Davao.
RadyoMaN Kirby Manzon
