Davao City – Nagpadayon ang Philippine Drug Enforcement Agency (PDEA)-XI sa pagpahigayon og lecture alang sa mga estudyante sa mga pampubliko ug pribadong eskwelahan sa Davao City.
Sa interbyu sa DXDC RMN Davao, gibutyag ni Noli Dimaandal, tigpamaba sa PDEA-XI, nga niadtong miaging adlaw, Setyembre 3, 2025, kapin 1,000 ka estudyante sa St. John Paul II College of Davao ang gipailawom sa maong lecture.
Matod pa ni Dimaandal, nitabang usab sa kalihokan ang mga sakop sa law enforcement agencies sama sa Davao City Police Office (DCPO) ug Task Force Davao.
Gipasabot sa opisyal nga ang tumong sa lecture mao ang paghatag og kahibalo sa mga estudyante kabahin sa konsepto sa droga, drug identification, ug pagsabot sa balaod ilawom sa Republic Act 9165 o Comprehensive Dangerous Drugs Act of 2002.
RadyoMan Don Pulayao
Facebook Comments
