Davao City – Mag-atubang sa kasong kalapasan sa Presidential Decree 1602 (Illegal Gambling) ug violation sa RA 11332 (Social Distancing) , ang 21 ka mga individual human nadakpan sa kapolisan sa San Pedro nga naaktohang nalambigit sa Illegal nga sugal ug wala pagtuman sa social distancing tungod sa panagtapok sa Jun Jun Billiard Hall, Magallanes St., Davao City.
Subay sa report sa San Pedro Police Station , sagad sa mga nadakpan nagpangidaron sa 40, 50 ug 60 anyos, pulos mga lalaki ug parihong residente sa syudad sa Davao.
Narekober sa kapolisan gikan sa posisyon sa mga suspect, ang duha ka set nga bola sa billiard, upat ka cue billiard stick, duha ka pool cue shalks ug bet money nga mokantidad sa P1,220.00. Mga dinakpan gikustodiya sa kapolisan sa San Pedro aron pasakaan og kaso.
RadyoMan Don Pulayao
