Davao City – Kapin 200 ka mga indibidwal ang naaktuhan sa kapolisan sa Sta. Ana PNP nga nagpataka sa pagbulhot og sigarilyo ngadto sa mga pampublikong lugar human gilusad ang foot patrol ngadto sa ilang area of responsibility.
Subay sa report gikan sa Sta. Ana PNP, ang natala sulod lamang sa duha ka adlaw.
Base usab sa report, mas daghan ang nadakpan karong bulana nga nanigarilyo kun itandi sa milabay’ng bulan.
Gani gipang-isyuhan og citation tickets ang mga malapason sa Anti-Smoking City Ordinance ning dakbayan diin adunay P500 nga multa sa ilang unang paglapas.
Samtang nagpahimangno ang kapolisan nga dili sila magpanuko sa pag-file og kaso batok sa mga gasige og kadakpan.
RadyoMaN Don Pulayao
Facebook Comments
