Davao City – Mukabat sa 211 ka mga balay ang naguba sa baha tungod sa kusog nga pag-ulan sa probinsya sa Davao Oriental.
Kini ang gikumpirma sa Municipal Disaster Risk Reduction Management Office (MDRRMO) diin sa maong ihap, 132 ang partially damaged ug 79 ang totally damaged subay usab sa datus sa Municipal Social Welfare Development Office (MSWDO) sa Manay.
Gipailawom usab sa state of calamity ang ang mga lugar sa Barangay San Ignacio, Holy Cross, Central, Zaragoza ug Guza sa maong probinsya.
Samtang gisuspinde na usab sa lokal nga panggamhanan ang mga klase sa lugar.
Una nang gibutyag ni Office of the Civil Defense (OCD)-XI spokesperson Leslie Franciso sa DXDC RMN Davao nga nagapahigayon na karon ang Provincial Government of Davao Oriental og Rapid Damage Assessment and Needs Analysis (RDANA) aron sa pagsuta sa kinatibuk-ang danyos sa kalamidad.
RadyoMaN Kirby Manzon
