Sa interview sa DXDC RMN Davao kang Noli Jayson Antoniano, personahe sa Municipal Disaster Risk Reduction and Management Office (MDRRMO) Cateel, iyahang gibutyag nga tungod sa epekto sa LPA, gi-evacuate ang mga residente gikan sa pito ka mga barangay: Alegria (45 families o 95 individuals); San Vicente (6 families o 14 individuals); San Rafael (6 families o 26 individuals); San Miguel (45 families o 132 individuals); Baybay (33 families o 101 individuals) San Alfonso (36 families o 120 individuals); ug Abihod (34 families o 176 individuals).
Matud ni Antoniano nga daling gipabakwit ang mga residente tungod sa pagtaas sa tubig sa Cateel river. Gipasalamat usab sa MDRRMO sa kooperasyon sa katawhan ug walay natala nga casualty.
“Sa amoa, nag-preemptive gyud ‘mi dayon pagtan-aw namo nga ang level sa tubig dili na normal. After mga 30 minutes, nagpatuman dayon mi’g forced evacuation kay paspas kaayo musaka ang tubig,” sulti ni Antoniano.
Sa pagkakaron, anaa gipahimutang ang evacuees gikan sa Barangay Alegria ug Barangay San Vicente sa San Isidro Elementary School samtang ang taga Barangay San Miguel gipahimutang sa Regional Evacuation Center, Poblacion, Cateel, Davao Oriental.
RadyoMaN Kirby Manzon
