Davao City – Kapin kun kulang 200 ka mga balay ang naugdaw sa nahitabong dakong sunog karong hapon nga miabot sa 4th alarm sa Purok-4 D Brgy. 23-C Isla Verde ning dakbayan sa Davao.
Kini ang gibutyag sa purok leader sa lugar nga si Mr. Jovencio Mansueto diin i-validate pa usab kini sa City Social Services Development Office.
Sa pakighinabi sa DXDC RMN Davao kang SFO2 Ramil Gillado, Fire Arson Investigator sa Davao City Fire District, gibutyag niini nga nagsugod ang sunog pasado ala-1 sa hapon diin sumala pa sa nakasaksi sa panghitabo nga si Enrico Jimena, nagsugod ang sunog sa balay sa usa ka ginganla’g Dodong diin nadeklara usab nga under control ang sunog alas-2:35 karong hapon.
Hinuon walay casualty sa maong insidente ug sa karon ginasuta pa ang kinatibuk-ang damyos sa sunog.
Padayon usab karon ang gihimong imbestigasyon sa kabomberohan labot sa hinungdan sa insidente.
RadyoMaN Kirby Manzon
