Gi-imbargo sa mga otoridad ang kapin 200 ka mga Thermal Scanners human nasapon nga sobra ang presyo ug walay Certificate of Product Registration o CPR gikan sa Food and Drug Administration o FDA.
Kini atol sa Joint Entrapment Operation and Inspection nga gilunsad sa National Bureau of Investigation kon NBI, FDA, Department of Trade and Industry kon DTI ug City hall pasado alas 2 kagahapon sa hapon.
Ang maong produkto ang nakakustodiya sa NBI.
Matud ni NBI 10 Regional Director Patrecio Bernales nga ilang gi-imbargo ang maong mga scanners gikan sa Life Corps Medcare sa Old Road, Barangay Gusa nga gipanag-iyahan ni Lorna Chiong.
Gawas nga walay CPR, mokabat pa sa 9,500 pesos ang presyo sa maong mga produkto nga mapalit lang unta kini sa tag siete mil pesos.
Matud ni Bernales nga makalikay sa kaso ang tag-iya sa maong produkto kon makapakita kini sa CPR.
Apan matud ni Chong nga naay CPR ang ilang gibaligyang Thermal Scanners apan toa pa kini sa ilang supplier sa Cebu City.
Ang NBI, FDA, DTI ug city hall migamit sa boodle money sa ilang Joint Entrapment Operation nga kantidad sa 28,500 pesos ug ang tinood nga kuwarta niini 1,500 pesos lamang.
