Davao City – Mamahimo nang makadula ang 37 ka mga atleta nga nakasinati og balatian kagahapong adlawa, Abril 28, 2019, sa opening ceremony sa Palarong Pambansa karong tuiga nga gipahigayon sa Davao City – UP Mindanao Sports Complex.
Kini ang gikumpirma ni Jenielito “Dodong” Atillo, spokesperson sa Department of Education (DepEd)-XI sa pakighinabi sa Davao Media kaniya.
Segun ni Atillo nga nakasinati lamang ang nahisgutan og pagkalipong, pagkaluya nga posibleng resulta sa kakapoy nga gilayon usab nga girespondehan sa medical team butang nga gipasalamat sa opisyal.
“All of them are good right now. I would just like to commend our medical people because immediately they respond,” saysay ni Atillo.
Dugang pa ni Atillo nga gisiguro gayud sa syudad nga daling maaksyunan ang mga problema sa panglawas sa mga atleta samtang nagapadayon ang aktibidad.
“That is actually part of the grand design that if there is a medical situation whether it is an alarming condition/situation or not, our medical practitioners must be there to respond.” dugang sa DepEd spokesperson.
Samtang wala pa usay impormasyon ang tigpamaba sa DepEd kung makadula pa ang lima ka mga atleta nga dili ‘physically fit’ o aduna nay mga ginahambing balatian sa pag-abot dinhi sa dakbayan.
RadyoMaN Kirby Manzon
