Pagadian City – Kapin 30 ka indibidawal ang kasamtangan nga gikustodiya karun sa kapulisan ning syudad human nasapnan kaganihang kadlawon nga nagtikaw-tikaw sa sentrong bahin ning dakbayan.
Naglusad og roving patrol ang kapulisan isip kabahin sa pag-implementar sa City Ordinance No. 2017-378 o Ordinance implementing a curfew within the territorial jurisdiction of the City of Pagadian diin miresulta sa pagrescue sa daghanang indibidwal nga gilangkuban sa mga kababayen-an.
Ang unang batch niini didto nasapnan sa Aro Marketing sa Rizal Avenue, sakop sa Brgy. Lumbia, ang ikaduhang batch nga gikarga sa patrol car didto nasapanan sa Star Gazer, Rizal Avenue sakop sa Brgy. Gatas samtang ang ikatulong batch nasakpan sa Capitol Park Inn, Duterte Street., sakop sa Brgy. Gatas ug ang ika-upat nga batch didto nasapon duol sa Well Family Clinic sakop sa Barangay Sta. Lucia.
Gipailalom pa sa short debriefing ang mga nangadakpan samtang gawas nga bahin naghulat usab ang ilang mga ginikanan.
