Davao City – Ipagawas karong adlawa (September 10, 2020), Huwebes ang resulta sa RT-PCR test sa mga vendors ug security forces sa subling pag-abli sa Roxas Night Market karong Sabado (September 12, 2020).
Sa interbyu sa DXDC RMN Davao kang City Health Office (CHO) Chief Dra. Josephine Villafuerte kapin 300 ka mga indibidwal ang gipailawom sa swab test.
“Kinahanglang mu-follow gyod sila sa health protocols number one ang sanitation, ang palibot i-maintain pod nila. If they will defy then they will be blacklisted, we have to be very strict with the night market,” sumala ni Villafuerte
Segun ni Villafuerte, ciento por ciento na nga andam ang lokal nga gobyerno sa pagseguro nga matuman ang health protocols ug adunay mga personahe sa CHO nga naka-deploy matag gabii aron magmonitor.
Pahimangno ni Villafuerte, required ang face mask ug full face shields sa sulod sa night market.
RadyoMan Aimee Guinita
