Sa pakighinabi sa DXDC RMN Davao kang Police Captain Hazel Tuazon DCPO Spokesperson gisulti niya, kapin 300 ka pulis gikan sa DCPO ang i-deploy og wala pay labot ang mga volunteers ug force multiplier nga motabang sa pagbantay sa maong aktibidad.
Segun ni Tuazon, adunay soft deployment ugma Enero 27, 2024, apan pagka ala 1:00 sa kadlawon sa Domingo Enero 28 ,2024 mao ang final nga pagdeploy sa DCPO.
Dugang ni Tuazon, gawas sa rally adunay unang aktibidad nga himoong sa Grand Mensing Hotel ning dakbayan, diin usa usab sa prayoridad nga bantayan sa kapulisan.
Subling nagpahimangno ang opisyal sa mga Dabaweños ug mosalmot sa rally nga mosunod sa mga palisiya nga ipatuman ug sa mga gidili nga dalahon sa maong aktibidad.
“Pareho ra gihapon ang dos and don’ts kadtong mga dagko nga bag, back pack mga pointed object, sharp object specially firearms kana bawal gyod na sa usa ka event area kung magdala sila og tubig dapat makita unsay sulod”. sulti ni Tuazon.
RadyoMaN Don Pulayao
