Davao City – Kapin 30,000 na ang nadakpan sa City Transport and Traffic Management Office (CTTMO) sa pagsupak sa jaywalking ordinance sa syudad sa Davao.
Sa pakighinabi sa DXDC RMN Davao kang CTTMO head Dionisio Abude, 38, 586 ang nadakpan sukad September 2017 kutob June 2018 diin karong bulana 1,568 ang natalang misupak sa maong ordinansa.
Dugang ni Abude nga gawas sa kapin 30 mil ka mga jaywalkers, 24,272 lang ang nag-settle sa ilang multa nga mao ang 100 pesos alang sa pedestrian samtang 200 pesos sa driver nga gibayran didto sa City Treasurer’s Office.
Subay niini gipahimangnuan karon sa CTTMO ang katawhan nga musubay kun mutabok gihapon sa tukmang tabukanan sama sa pedestrian lanes ug overpass ilabi na nga daghan na ang anaa sa kadalanan karon tungod nagsugod na ang klase gikan elementary ngadto sa kolehiyo.
Kahinumduman nga hugot nga gipatuman ang maong ordinansa sa syudad niadtong September 2017.
RadyoMaN Renz Barbarona
