Davao City – Mas gipakusgan sa Davao City Police Office (DCPO) ang pagpatuman sa curfew hour sulod sa ilang area of responsibility (AOR), partikular na sa Davao City.
Sa report gikan sa DCPO, subay sa datos nga gipagawas sukad niadtong Enero 1, 2025 hangtod bulan sa Agosto tuig kasamtangan, adunay 3,246 ka mga menor de edad ang narescue sa kapulisan nga naglatagaw sa kagabhion.
Sumala pa, nagatabang usab ang mga personahe sa Women’s and Children Protection Desk (WCPD) sa pagrescue sa mga minor ug ginaturn-over dayon kini ngadto sa Quick Response Team for Children’s Concern (QRTCC).
Subling gipahimangnoan ang mga ginikanan nga ilang bantayan ug imonitor ang ilang mga anak, ug dili na nila pagawson o palakwon sa dis-oras sa gabii aron malikayan nga malambigit sa krimen.
RadyoMan Don Pulayao
Facebook Comments
