Nagdangat sa kapin 4,000 ka mga bikers ang nagpakigbahin sa 5th Tour of the Fireflies kahapon nga adlaw, November 24 halin sa syudad sang Bacolod pakadto sa syudad sang Himamaylan.
Ginpatigayon ang kahiwatan may angut sa 15th Provincial Wildlife Month Festival nga gin-organize sang Provincial Environment Management Office (PEMO) upod ang mga parters sini.
Tinutuyo sang amo nga advocacy ride ang pagpatuman sang disiplina sa dalanon, road sharing kag ang pag-apresyar sang matinlo nga hangin.
Nagpasakup sa amo nga kahiwatan ang mga bikers halin sa nagkalain-lain nga syudad kag banwa sa Negros Occidental kag may yara man gikan sa Iloilo, Guimaras, Dumaguete, Cebu kag Bohol.
Nagsugod ang 78-kilometer advocacy ride sa Provincial Capitol Lagoon. (Eiron Villanueva Alimon photo)
