GENERAL SANTOS CITY – Niabot matod pa og kapin 4 milyon pesos nga kantidad sa iligal nga droga ang nakumpiska sa Philippine Drug Enforcement Agency 12 sa mga operasyon nga ilang napahigayon gikan Disyembre 2017 hangtud ning bulan sa Hulyo ning tuiga.
Samtang ang mga suspek nga nasikop sa PDEA 12 sa maong ihap sa bulan niabot og 120 kung asa kapin 700 grams sa shabu o 4.3 milyon pesos ang DDB value.
Nakarekober sad ang PDEA 12 og kapin syete mil nga gramo sa dried marijuana leaves o 361 mil pesos nga balor base sa DDB value.
Samtang kapin 3 mil ka punoan sa marijuana ang na-uproot sa maong ahensya balor og 664 mil pesos gikan sa mga bukirong lugar sa Soccsksargen region.
Sa karon padayong gipakusgan sa PDEA 12 ang ilang mandato na kampanya batok iligal nga droga human may bag-o na silang regional director.
