Kapin sa 40 ka mga Vote Counting Machines o VCM sa Cagayan de Oro ang nadaot atol sa eleksyon karong adlawa.
Mao kini ang gibutyag ni City Comelec Officer Atty. Ramil Acol.
Matud ni Acol nga nadaot ang kapin 40 ka VCM tungod sa ka-init ug posibling factory defect.
Gibutyag ni Acol nga kini ang rason nga dunay pipila ka mga polling precincts ang nalangan sa ilang pagboto sa eleksyon kaganina.
Matud ni Acol nga mas maayo gani kay ang Comelec, dunay reserve nga 38 ka VCM nga maong ilang gipuli sa mga nadaot nga VCM.
Sa pikas nga bahin.
Giangkon ni Acol nga dunay pipila ka mga botante ang mireklamo kay wala ang ilang nga pangalan sa master list sa Comelec.
Kay matud ni Acol nga ang kadaghanan sa nga nagreklamo ang mga botante sa Cagayan de Oro nga wala na maka botar sa duha ka sunod-sunod nga eleksyon ug gipanas na sa Comelec ang ilang nga ngalan sa ilang master list.
