Sa interview sa DXDC RMN Davao kang Romeo Tublag Jr., Information Officer sa Local Government Unit (LGU) Maragusan, iyang gibutyag nga sa pagkakaron, anaa sa 439 ka pamilya o 1,863 ka indibidwal gikan 15 ka mga barangay ang nagpabilin sa evacuation centers, subay sa datos sa Municipal Disaster Risk Reduction and Management Office (MDRRMO).
Gipaigmat usab sa LGU ang mga residente ilabi na sa mga barangay nga risgo sa pagdahili sa yuta tungod sa mga pag-ulan.
“Magmaigmat gyud perminti. Mag-amping gyud kanunay. Dili na magmagahi. Kung tan-aw ninyo nga dili na safe ang inyong gi-stayhan, dili nag maghulat nga ingon pa nga mo-evacuate. Evacuate na diretso,” matud ni Tublag.
Niadtong Miyerkules sa gabii, Pebrero 7, 2024 sa dihang dunay natala nga landslide sa Sitio Salaysayon, Barangay Cambagan, Maragusan Road. Hinuon walay apektadong indibidwal atol sa insidente.
Sa pagkakaron, dili pa usab kaagi ang mga dagkong sakyanan sa usa ka dalan sa Maragusan padulong sa Mati City, Davao Oriental, butang nga kanunay nga gipaigmat ang mga motorista.
RadyoMaN Kirby Manzon
