Davao City – Mokabat na sa kwatro mil ka mga botante ang narehistro sa 1st district ning syudad sa Davao sulod sa duha ka semana.
Sa pakighinabi sa DXDC RMN Davao kang Nelita Gestosani, election officer II sa 1st district sa Commission on Elections kun COMELEC-Davao, moabot na sa 4, 124 na ang narehistro sa maong distrito sukad gisugdan ang registration niadtong milabayng duha ka semana.
Dugang niya nga sagad maengkwentro nga problema atol sa registration mao ang mga rekisitos sama sa valid IDs sa mga buot magparehistro diin ang uban kanila mupresenta og dili valid IDs hinungdan nga panawagan nila nga i-check una ang mga rekisitos nga kinahanglan aron kausa ra ang pagproseso sa voters registration.
Dugang niini, padayong awhag sa COMELEC ngadto sa publiko ilabi na sa mga wala pa na nakaparehistro nga dili na hulaton ang deadline nga mao ang September 29, 2018 diin samtang sayo pa, mas maayong nakaatiman na sa pagparehistro.
RadyoMaN Renz Barbarona
