Daghang indibidwal ang nakabenepisyo sa serbisyo nga sama sa pag-release og ayuda sa Department of Social Welfare and Development (DSWD) partikular na ang Assistance to Individuals In Crisis Situations (AICS).
Samtang, sa mensahe ni Presidente Ferdinand “Bongbong” Marcos atol sa aktibidad, iyahang gipahimangnoan ang mga empleyado sa gobyerno nga magtinarong sa ilahang trabaho.
Gipasabot ni Marcos nga kinahanglan paspas ang pagtunol sa mga serbisyo alang sa katawhan. Bawal ang pagwaldas sa kwarta sa publiko ug angay mahimong transparent sa tanang transaksyon.
“Ito ang aking mga mahigpit na tagubilin sa mga kawani ng gobyerno. Una, bawal ang tamad at makupad sa pamahalaan. Walang puwang ang mga mabagal at sagabal sa serbisyo publiko,” pamahayag ni Marcos.
Kini kabahin lang sa mga mando ni PBBM ilawom sa “Bagong Pilipinas” banner, diin kinahanglang ang kabag-ohan magsugod diha sa gobyerno. Kinahanglan matud pa nga moserbisyo ang gobyerno, dili kay maoy serbisyohan.
RadyoMaN Kirby Manzon
