Kapin 50 ka indibidwal nag-rally atol sa ika-51 nga anibersaryo sa deklarasyon sa Martial Law

Davao City – Walay natala nga untoward incidents ang kapulisan sa Davao sa gihimong rally sa kapin 50 ka indibidwal sa Freedom Park, Davao City atol sa ika-51 nga anibersaryo sa Martial Law declaration karong adlawa, September 21, 2023.

Alas 10:00 sa buntag nagsugod ang aktibidad diin dala ang mga placard, gipaabot sa mga progresibong grupo sama sa Gabriela Youth, Bayan Muna, Kilusang Mayo Uno – Southern Mindanao Region (KMU-SMR) ug uban pa, ang ilang pagbabag sa militarisasyon.

Wala usab nakalimtan sa grupo ang kontrobersyal nga confidential ug intelligence funds diin kinahanglan kining ibasura ug hatagan og patagad ang pagpataas sa sweldo. Panawagan usab sa grupo ang pagbasura sa Anti-Terrorism Act of 2020 o ang “Terror Law”, pagbabag sa Mandatory Reserve Officers’ Training Corps (ROTC) ug daghan pang uban.

Nagbutang usab ang grupo og Wall of Remembrance asa nakapilit ang hulagway sa mga inbididwal nga nahimong biktima sa Martial Law ilawom sa pagdumla ni kanhi Presidente Ferdinand Marcos Sr.

RadyoMaN Kirby Manzon