Davao City – Nagpabiling anaa sa evacuation centers ang 336 ka mga pamilya sa Davao de Oro, 20 ka pamilya sa Davao Occidental ug 110 sa Davao Oriental gumikan sa pagbaha.
Miabot na usab sa 552 ka mga pamilya kun 2, 212 ka mga indibidwal sa Davao Region ang kinatibok-ang ihap sa mga apektado sa Shearline Weather System.
Sa impormasyon gikan sa Office of the Civil Defense (OCD) XI, natala ang tulo ka mga pagdahili sa yuta sa Brgy. Camanlangan, New Bataan, Brgy. Linda, Nabunturan ug Brgy. Gubatan, Maco, Davao de Oro.
Natunol na usab sa Department of Social Welfare and Development (DSWD) ang 550 ka mga food packs ngadto sa mga nabahaan.
Subling nagpahinumdom ang OCD XI sa katawhan nga nagpuyo duol sa kasapaan, suba, ug kabuntoran nga magpabiling alerto karong panahon sa ting-ulan aron malikay sa kadaot nga dala sab aha ug pagdahili sa yuta.
RadyoMaN Ivy Parido
Facebook Comments
