Sa interbyu sa DXDC RMN Davao kang Senior Fire Officer 4 ug hepe sa Intelligence Investigation Section sa Davao City Fire District, gibutyag niini nga sa ilang datos, 38 ka insidente sa sunog ang natala sa Enero 2023, o 15% nga ubos kung itandi sa fire incidents nga natala sa Enero 2022 nga adunay 45.
Samtang sa Pebrero 2022, 40 ka sunog ang natala. Mas taas sa 27 ka fire incidents nga natala sa hangtud ning pagsulat sa balita o pagsibya.
“Sa duha ka bulan nato, nagbaba ang atoang number of fire incidents. Makita nato diha nga ang awareness sa atoang katawhan is medyo nitaas na gyud. Kumbaga, na-inculcate na gyud nato sa ilaha ang sa safety ug kung unsa ang mga dapat buhaton panahon nga naay sunog nga mahitabo.”
Gibatbat usab ni Gillado nga sagad hinungdan sa sunog may kalabutan sa ‘electrical’ ilabi na diha sa residential areas. Gisundan kimi sa open flame, sama sa napasagdan nga giluto, gidulaang posporo ug lighter sa kabataan.
Dugang sa BFP official nga ilahan pang ginapakusgan ang kampanya batok sunog ug nakahan-ay na usab ang ilahang mga programa sa sunod bulan, Marso kanus-a gina-obserba ang Fire Prevention Month.
RadyoMaN Kirby Manzon
