Davao City – Kapin 500 ka mga residente ang gipailawom sa profiling pinaagi sa gilusad nga Oplan Kalinaw kagahapon sa Sta. Ana PNP ug San Pedro PNP ning siyudad sa Davao.
Sa Sta. Ana PNP, gihimo ang Oplan Kalinaw didto sa Cory Village, Brgy. Paciano Bangoy diin 307 ka mga indibidwal ang gipailawom og profiling – 300 ang adunay gipresenta nga ID samtang 7 ka mga tao ang wala, 76 ang nalibre sa medical mission.
Gisilbihan usab ang upat ka mga wanted persons sa ilang warrant of arrest resulta sa pagkasikop nila ni Cynthia Lisondra nga dunay kasong qualified theft, Ferdinand Sagusara sa kasong act of lascivious, John Caballero sa kasong kalapasan sa Presidential Decree 1619, ug John Paul Angcajas nga dunay kasong kawat.
Samtang gilusad sa San Pedro PNP ang maong operasyon didto sa Brgy. 40-D ning siyudad diin kapin 200 ang napailawom niini – 222 ang adunay ID, 9 ang walay gipakitang ID, samtang 113 ka mga residente ang nakabenepisyo sa libre nga check-up ug tambal.
Dugang ninii, lima usab ka mga wanted person ang nasikop nga mao sila si Rodeo Bagorio sa kasong reckless imprudence resulting to homicide, Cherry Mamalias sa kasong kalapasan sa Presidential Decree 115, Romel Jovanie ug Jayson Malambingan nga dunay kasong physical injury.
Nahuman matud pa ang Oplan Kalinaw sa duha ka police stations pasado alas 9:00 ang takna sa buntag.
RadyoMaN Don Pulayao
