Sa exclusive interview sa DXDC RMN Davao kang VG Uy, iyahang gibutyag nga sa unang adlaw sa bayanihan niadtong July 7, 2024, miabot sa kapin 500 ang volunteers ang mitabang sa pagtukod og mga balay nga maoy magsilbing permanent relocation site sa mga residente partikular na sa Zone 1, Brgy. Masara. Ang maong pabahay tawagon nga Balayanihan Village.
“I am very thankful sa mga nag-adto didto ug nag-volunteer. Everyday naga-monitor ‘mi and wala gihapon nahubas ang mga volunteer didto. Right now, ubay-ubay na ang mga balay nga naka-window level na. Ongoing ug paspas ang trabaho. Daghan ang mga nagtabang,” saysay ni Uy.
Gibutyag sa bise gobernador nga walay gikuhang pondo gikan sa gobyerno alang sa maong proyekto. Lig-on sab ang half-concrete nga balay diin kini dunay metal frame nga mukantidad og P200,000, diin walay apil dinhi labor tungod kay giagi man kini sa bayanihan. Anaa sab sa 80 ka balay ang target alang sa unang phase sa maong proyekto.
RadyoMaN Kirby Manzon
