Sumala ni Alfredo Baloran CDRRMO-Head sa gipahigayong press conference sa Central 911,11 ka Barangay ang apektado sa baha ang Brgy. Bago Gallera, Bago Aplaya, Catalunan Pequeño, Talomo Proper, Maa, Matina Aplaya, Matina Crossing, Baliok, Sto Niño ug Brgy.Dumoy.
Segun ni Baloran, ang Barangay Bago Aplaya adunay 476 ka pamilya o 722 individual ang apektado, Brgy.Bago Gallera 1,011 ka pamilya 1,600 ka individual,10 ang na nasamdan ug 3 ka balay ang totally damage og upat ang partially damage, Brgy. Baliok 421 ka pamilya, 117 ka individual, Catalunan Pequeño 475 ka pamilya, 2,230 ka individual ug 3 ka balay ang totally damage. Brgy.Maa 7 ka pamilya, 10 ka individual, Talomo Proper 1,800 ka pamilya 1,788 ka individual ug Matina Aplaya 1,612 ka pamilya ug1,820 ka individual.
Gipasabot sa opisyal, nagpadayon karon ang pagtunol og pasiunang tabang sama sa food packs, mga gamit, tambal gikan sa City Health Office( CHO) ug City Social Welfare Development Office (CSWDO) sa mga pamilya nga naapektado sa maong kalamidad.
Sumala usab ni Juenalyn Pablo CSWDO-Head, nagpadayon ang pagtunol og mga pagkaon, mga gamit sa hygiene kit ug uban pa. Nagpadayon pa ang gihimong pag-validate sa mga pamilya nga naa pa sa nagkadaiyang evacuation area sa 11 ka Barangay sa dakbayan.
Gipasalig ni Pablo, karong bulana iyang paningkamutan nga ma release ang ayuda o cash assistance sa mga nadamage nga panimalay, diin ang totally damage makadawat og P20K, samtang ang partially damage makadawat og P15K.
RadyoMaN Don Pulayao
