Davao City- Ilusad sa Southern Philippines Medical Center (SPMC) ang ikaduhang dose sa vaccination sa SINOVAC vaccines karong Abril 5-12, 2021.
Matud ni Dr. Ricardo Audan, SPMC chief anaa sa dul-an 4,000 ang gikatakdang bakunahan sa ikaduhang dose sa Sinovac vaccines.
Samtang karong Mayo usab ang schedule sa kapin 1,000 ka mga recipients sa second dose sa Astrazeneca COVID-19 vaccines.
Mokapin sa 5,000 ka mga SPMC workers ang nabakunahan sa Sinovac ug Astrazeneca vaccines.
Gikanayon ni Audan, aduna may natalang 200 kapin ka mga recipients sa bakuna nga nakasinati’g side effects apan maayo na ang mga kondisyon sa pagkakaron.
Andam na usab ang team nga maoy mututok inkaso’g adunay mga adverse effects sa ikaduhang dose sa bakuna.
RadyoMan Aimee Guinita
