Davao City – Muabot sa 6,570 ka mga personahe ang i-deploy sa mga otoridad alang sa umaabot nga Kalag-Kalag dinhi sa syudad sa Davao.
Sumala ni Public Safety and Security Command Center (PSSCC) Deputy Officer Angel Sumagaysay, unang i-deploy ang 330 ka mga personahe sa soft opening sa Kalag-Kalag ug mutaas kini sa 1,300 ka mga personahe sa ikaduhang adlaw, Oktubre 31, aron magbantay gumikan pipila na ka mga tawo ang piliong matulog sa sementeryo.
Samtang sa Nobyembre 1 ug 2, tig-2010 ka mga personahe ang i-deploy diin sa petsa 3 mo-tone down kini sa 630 ug 230 sa petsa 4.
Gipasabot ni Sumagaysay nga sagad sa mga pamilya muadto sa mga resorts sugod petsa 3 gani magdeploy sila og mga personahe diha sa mga resorts.
Dugang ni Sumagaysay, mag montar usab sila og Joint Command Post sa matag sementeryo aron daling ma-aksyunan ang sagad problema panahon nga anaa na sa sementeryo.
Subling nagpahinumdom ang PSSCC Deputy Officer sa mga ginadili sama sa illegal drug paraphernalia, sigarilyo, bladed weapons, kusog nga pagpatugtog og music, baraha ingon man ang mga bino.
“Maglalagay din ang DCPO ng deposit box para sa mga bladed weapons at lalagyan ito ng tagging para hindi mawawala,” saysay niini.
Subay usab sa Kalag-kalag, gisugilon ni Jospeh Hernandez, officer-in-charge of Public Cemeteries, nga nangandam na usab sila diin gimanduan na niini ang tanang nangulo sa siyam ka mga public cemeteries sa syudad nga manglimpyo na alang sa pagpangandam sa Undas 2018.
RadyoMaN Jason Amisola
