Davao City- Kapin 70 ka mga driver sa Montero Sport Mobile Patrol Car ang gipailawom ug orientation ganinang alas 11:00 sa buntag sa Davao City Police Office.
Sumala ni Police Supt. Alfredo Baluran ang Group Director sa Mobile Patrol Group nga iyang gipasabot sa mga mahimong driver sa mga patrol cars kung unsa ang husto nga pag gamit niini.
Gipahinumduman usab ni Baluran ang mga driver nga musonod sa balaud trapiko ug gikinahanglan nga seryusohon ang ilang trabaho ug likayan ang pag absent.
Ang maong mga driver maoy gitugotan nga magmaneho sa bag ong 26 ka mobile patrol sulod sa 12 hours nga duty.
Dugang pa niya kapin 79 ka mga driver ang gipa- drive test karong adlawa aron masayran kung hanas na ba kini mag maneho.
Nasayran nga karong Enero 16 ipahigayon ang formal nga turn over sa Montero Sport Mobile Patrol Car nga tambongan usab ni Presidente Rodrigo Duterte.
RadyoMaN Don Pulayao
