Davao City – Kapin 700 ka mga ream sa iligal nga gipayuhot nga sigarilyo ang nakumpiska sa Brgy. Camalig, Sarangani, Davao Occidental alas 5 kagahapon sa buntag, Hunyo 28, 2018.
Sa report gikan sa Police Regional Office kun PRO XI, 715 ka mga ream sa sigarilyo ang nakuha nga mukantidad sa gibana-banaang 429,000 pesos.
Matud pa nga nakasakay sa motorized bangka ang suspected smugglers nga adunay nakasulat nga “C-JAY and KYLA” kinsa ang mga smugglers naila nga sila Alfrin Nuñez, 24 anyos ug Mageke Amponga, 23 anyos ug pulos residente sa Barangay Mabila, Sarangani, Davao Occidental.
Sa karon, gikustodiya na sa Philippine Coast Guard Sarangani Station ang mga nakumpiskang sigarilyo ug gipasa na ngadto sa investigation section ang kaso.
Ang maong operasyon gilusad sa hiniusang pwersa sa Sarangani MPS, DOCPPO ug Philippine Coast Guard.
RadyoMaN Renz Barbarona
