Davao City – Mokabat sa kapin 760 ka insidente sa sunog ang natala sa Bureau of Fire Protection kun BFP XI sa tibuok tuig 2017.
Base kini sa datos sa BFP diin sagad matud pa hinungdan sa sunog mao ang electrical short circuit gani ang maong mga insidente miresulta sa kapin 2 billion pesos nga damyos.
Samtang sa bulan sa Enero kutob Pebrero ning tuiga, 70 ka sunog na ang natala diin miabot na sa kapin 6 million pesos ang damyos.
Hinungdan nga padayong pahimangno sa BFP ngadto sa katawhan nga magmaigmaton ug ampingan ang mga gamit nga posibleng hinungdan sa sunog.
Karong bulana gikatakdang himuon sa BFP ang mga aktibidades subay sa fire prevention month diin kagahapong adlawa opisyal nalang gisugdan ang nakahan-ay nga mga aktibidad diin lauman nga sunod nga mga adlaw ilang buhaton ang fire inspection, fire safety awareness campaign, house to house campaign ug fire visibility reco-reda ug uban pa.
RadyoMaN Renz Barbarona
