Davao City – Nagpadayon ang Department of Social Welfare and Development (DSWD) XI sa pagtunol og hinabang ngadto sa 45,000 ka mga pamilyang labing apektado sa lapad nga pagbaha sa Davao Region.
Sa report sa Office of the Civil Defense (OCD) XI, muabot na sa dul-an P3,000,000 nga kantidad ang natabang ngadto sa mga indibidwal nga nabahaan ug naapektuhan ang panginabuhian ilabi na niadtong kapin 7,000 ka mga nagpabiling anaa sulod sa evacuation centers sa Davao del Norte, Davao Oriental, ug Davao de Oro.
Gipaigmat ang pipila ka mga barangay sa Asuncion, New Corella, Panabo City, Kapalong, BE Dujali, Davao del Norte tungod sa walay hubas-hubas nga baha.
Miabot na usab sa 6 ang natalang pagdahili sa yuta sa Davao de Oro partikular na sa New Bataan, Nabunturan, Maco, ug Monkayo.
Samtang nagdeklara’g state of calamity gahapong adlawa, Enero 17 ang Brgy. Cambanogoy sa Asuncion.
RadyoMaN Ivy Parido
Facebook Comments
