Davao City – Aron masegurong makab-ot ang target nga 70% herd immunity dinhi sa syudad sa Davao kinahanglan mabakunahan ang kapin 700,000 pa ka mga indibidwal alang sa COVID-19 vaccine.
Sumala ni Dr. Josephine Villafuerte, Davao City Vaccination Cluster head, base sa August 25, 2021, kapin tunga sa milyon na ka mga Davaoeños ang nabakunahan sa first dose kun 541,649 samtang 318,366 sa second dose.
Gibutyag niini, tungod sa hulga sa Delta variant kinahanglang mabakunahan gayod ang matag usa aron maproteksyunan kini ilabina ang mga anaa sa vulnerable sector ug mga immunocompromised.
Adunay mga fully vaccinated nga naigo gihapon sa COVID-19, apan nasayran nga mild o asymptomatic lamang ang pasyente. Busa gipasabot ni Villafuerte, dako og tabang ang COVID-19 vaccine aron malikayang ma-hospital o dili magrabehan sa maong balatian.
“Atong giawhag ang tanan nga dili ta magduha-duha nga magpa-vaccinate because the Delta variants is highly infectious ibig sabihin mabilis magtakod ug dali ra siyang makadaghan. Mao na siyang the only way to protect yourself from the delta variant and the only prevention is to get vaccinated,” matud niini.
Istrikto gihapong tumanon sa katawhan ang Minimum Public Health Standard bisan pa man og fully vaccinated na kini tungod layo pa ang Davao City sa target nga 70% sa populasyon nga mabakunahan aron sa pagkab-ot sa herd immunity.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
