Davao City – Gipalig-on sa Coast Guard District Southeastern Mindanao (CGDSEM) ang ilang pag-bantay ilawom sa Oplan “Byaheng Ayos: Semana Santa 2026” aron maseguro ang kaluwasan sa mga pasahero sa mga pantalan ug sakayan karong Semana Santa.
Sumala sa datos, hangtod alas-6 sa gabii, Marso 31, 2026, nakaabot na sa 74,946 ka pasahero ang ilang natabangan ug nabantayan. Nakainspeksyon usab sila og 456 ka vessel ug 516 ka motor banca, samtang 30,943 ka rolling cargoes ang ilang naasikaso.
Gideploy sab ang 403 ka personnel sa nagkadaiyang pantalan sa rehiyon. Giawhag usab ang publiko nga makigtambayayong ug dayong mosumbong sa bisan unsang emerhensiya o peligro pinaagi sa hotline nga 0953-280-8096.
RadyoMaN Kareen Beltran
Facebook Comments
