kapin 7500 ka board ft. nga kahoy narekober sa Sarangani

13

General Santos—-malampusong narekober sa Maasim PNP ug Maasim Municipal Environment and Natural Resources Office ang mukabat sa 7,790 Board Feet nga mga ginabas nga kahoy nga giabanduna sa wala pa mailhing mga personahe sa may Sitio Atnalag,Barangay Tinoto, Maasim, Sarangani Province.


Alas 6:00 ang takna sa buntag sa nakalabayng adlaw dihang nakadawat ug report ang Maasim PNP kalabutan sa giabandonang mga kahoy sa maong lugar.


Gilayon usab nga girespondihan sa Maasim PNP sa pagpanguna ni Police Sr. Inspector Canieso Golwengan, Hepe sa Maasim PNP uban ang MENRO Maasim ang lugar nga gibutyag kung asa nakaplagan ang mga kahoy.


Positibo usab ang report hinungdan nga gidala sa buhatan sa MENRO ang  mga ginabas nga mga kahoy kansa gituohang pagadad-on sa syudad sa General Santos.


Sa karon wala pay personaheng mitumaw nga miclaim sa mga kahoy. Samtang wala usay nakakita sa lugar kung si kinsa ang nagbilin niini.



Facebook Comments