Davao City – Nakatala karon ang Department of Health (DOH)-XI og 7,303 ka kaso sa dengue sa Davao Region gikan Enero hangtud Hulyo 1, 2023.
Sa datos sa DOH-XI, mas taas kini kung itandi sa natalang kaso sa dengue nga 3,943 sa susamang period niadtong 2022 o nagbaton og kapin 100% nga increase sa ihap.
Sa interbyu sa DXDC RMN Davao kang Daryl Guevara, spokesperson sa Davao City Health Office (CHO), kini ang rason kung nganong importante ang pagtuman sa mga estratehiya batok dengue sama sa pagpangita ug pagbungkag sa puy-anan o breeding sites sa mga lamok nga nagdala sa maong sakit.
“Kanang search and destroy gyud. Kanang mga mapuy-an (og lamok) ug mapondohan og tubig, iyabo. Manglimpyo og palibot pirmi ug kanang seek early consultation, ug sustain hydration gyud. Dako gyud na og tabang,” panawagan sa CHO spokesperson.
RadyoMaN Kirby Manzon
Facebook Comments
