Davao City – Mokabat sa 7,540 ka mga indigent nga mga Davaoeños nga sakop sa Priority A5 group ang nabakunahan sa 1st dose kontra COVID-19 subay sa Hulyo 12 nga datus.
Sumala ni Davao City COVID-19 Task Force Spokesperson Dr. Michelle Schlosser, gipakusgan nila ang pagedukar ilabina sa mga Indigenous People (IP) aron mapasabot og maayo ang importansya sa pagpabakuna ug paghatag og proteksyon kontra sa COVID-19.
Ang mga indigents nga unang gibakunahan mao ang mga indigenous peoples (IP) communities sa Marilog diin 170 na ang fully vaccinated sa 7,540 ka mga recipients sa bakuna.
Gibutyag ni Schlosser, ang city district health officers sa IP communities ang nakigalayon sa mga tribal leaders tungod kay dako kining tabang sa pag-implementar sa programa sa panlawas sa IPs ug dili lamang sa vaccination program sa lokal nga gobyerno.
“We continue to educate them that’s why we also conducted a series of reorientation for our barangay health response team kasi sila yung pweding further mag educate sa mga tao,” sumala niini.
RadyoMaN Aimee Guinita
