Davao City – Moabot na sa 85 ka mga sunog ang natala dinhi sa syudad sa Davao sukad sa bulan sa Enero kutob sa unang semana sa bulan sa Marso karong tuiga, tuig 2018.
Kini ang giingon ni Fire Officer 2 Ramil Gillado of the Bureau of Fire Protection (BFP) Davao diin matud niya sagad sa mga hinungdan sa sunog mao ang electrical-related ug sagad maapektuhan mga residential area diin 116 na ka mga balay ug gambalay ang naugdaw.
Gani kagahapong adlawa, 3 ka balay ug 3 ka establisemento ang naugdaw sa nahitabong sunog sa Crossing Bayabas Toril ning syudad diin matud pa ricecooker ang gituuhang hinungdan sa sunog nga mokabat sa dos milyones ka pesos ang damyos.
Sukad nga nagsugod ang fire prevention karong bulana, 17 na ka sunog ang natala hinungdan nga padayong pahimangno sa BFP ngadto sa katawhan nga og dunay ipahigayong seminar sa kabaranggayan, mupartisipar aron mahibalo og unsay angay buhaton, malikay sa sunog ug malikay sa peligro kung adunay sunog.
Dugang ni Gillado nga nagpadayon ang ilang aktibidad nga mao ang Ugnayan sa Brgy. diin ginahimo niini ang mga seminars kabahin sa fire safety.
Giklaro usab niya nga dli lang karong bulana ang fire prevention month kundi everyday is fire prevention day.
RadyoMaN Renz Barbarona
