Ipil, Zamboanga Sibugay – Miabot sa 850 ka mga kabatan-onan nga gikan sa lain-laing lungsod ug probinsya sa Zamboanga Peninsula ang niapil sa eksamenasyon sa Candidate Soldier Course (CSC) sa Armed Forces of the Philippines Service Aptitude Test (AFPSAT) nga bag-o lang gipahigayon didto sa 102nd Infantry “Igsoon” Brigade Headquarters nga nakabase sa lungsod sa Ipil, Zamboanga Sibugay.
Pipila sa mga aplikante mga college degree holder ug ang uban adunay 72 units sa kolehiyo ug may high school graduate nga dunat TESDA or national vocational course.
Ang resulta sa eksaminasyon gilauman nga ipagawas sa bulan sa Abril ning tuiga.
Ang proseso ug pagbansay-bansay sa mga kwalipikadong aplikante para sa CSC dinhi ipahugayon sa 1st Infantry Division, Upper Pulacan, Labangan, Zamboanga del Sur, Samtang ang proseso sa Officer Candidate Course (OCC) ipahigayon sa Fort Bonifacio, Metro Manila samtang ang training ipahigayon sa Camp O’Donnel, Capas, Tarlac.
Ang benepisyo sa usa ka miyembro sa Philippine Army mao ang competitive pay, allowances, graduate studies, insurance, health benefits, housing privilege, job security ug career advancement.
Sumala sa mga kabataan, ilang antuson ang kalisod sa pagbansay-bansay aron makab-ot ang iolang pangandoy nga makatabang sa ilang pamilya ug inspirasyon nila ang motto nga “Serving the People, Securing the Land ” dako matud pa ang ilang pagtoo nga oportunidad mosilbi sa nasod.
