Davao City – Mismong si Davao City Mayor Inday Sara Duterte-Carpio ang nitunol sa mga napiling mga awardees sa Pasidungog: Garbo sa Davao subay sa ika-81st Araw ng Davao nga gipahigayon sa Davao Convention & Trade Center.
Karong tuiga dili muubos sa 90 ka mga Davaoeños gikan sa mga nagkadaiyang organisasyon ug pipila ka nga inbidwal kinsa nitabang ug nakahatag og kontribusyon sa mga programa sa lokal nga panggamhanan.
“Atoang gipasalamatan ang atoang mga private sector partners kay kung dili tungod sa ilahang tabang dili magmalampuson ang mga activities and projects sa city government. Importante ni nga recognition ug pasidungog para sa ilaha. And also, gi-recognized nato katong mga ‘Every Day Davaoeños’ who contributed sa atoang community,” segun ni Duterte.
Sa pikas bahin sumala ni Davao City Investment Promotion Center OIC Lemuel Ortoño pipila sa mga naawardan mao ang top 20 ka mga tax payers sa dakbayan, upat ka mga ‘Every Day Davaoeños’, mga nakahatag usab og garbo dili lamang dinhi sa dakbayan apan pati sa gawas sa nasud.
“Kini sila mga organizations and individuals nga specific nga nag-assist sa City Government of Davao projects and programs,” segun ni Ortoño.
Samtang ang founder sa House of Hope nga si Dra. Mae Dolendo kinsa padayong nitabang sa mga kabataang adunay kanser ang usa sa mga napiling na-awardan sa ‘Every Day Davaoeños’ nga kategorya.
“I’m very happy to receive the award, may award man o wala masaya na rin po tayo kasi nakakatulong tayo sa maraming bata,” sumala ni Dolendo.
Ang mga awardees nidawat og token ug certificate of appreciation.
RadyoMaN Aimee Guinita
